Главная > Патрология > Молитва ко Св Духу прп Симеона Новаго Богослова

Молитва ко Св Духу прп Симеона Новаго Богослова


Прииди, Кристалловидный Животе и Вседержительная Деснице,
Всесвятый и Содетелю и Животворящий Душе,
Во властнем равночестии Отечественнем и Сыновнем сый
Ихже есть в Триех Лицех тождество достоинства и божества,
совета же согласие, и еже во едино воля.

Прииди, Господи мой, Егоже вожделе и желает душа моя.
Прииди, бывшее Желание Сам во мне,
сотворшее желати Тя отнюдь неприступнаго.
Прииди, присная моя Радосте, и Наслаждение, и Славо.
Прииди, мое Дыхание, животе мой, утешение души моея.
Буди со мной един дух, преблагий Владыко,
Несмесно, непреложно, неизменно сый над всеми Бог.

Буди мне Сам вся во всех, пища неизгаголанная и весьма неиждиваемая,
вечно преизливающаяся во устнах души моея
и преистекающая во источнице сердца моего;
Одеяние блещающееся и попаляющее бесы;
Очищение, омывающее мя нетленными и святыми слезами,
яже Твое пришествие дарует, к немуже приидеши.

Буди ми свет невечерний и солнце назаходимое и несокрываемое:
Где бо сокрыешися, нигдеже имеяй места Твоему покою,
Или чесо ради, яко не отвращаешися никогоже от всех;
Точию мы от Тебе присно крыемся грехми нашими,
приити к Тебе не хотяще.

Отстави от мене, Господи, всякое пагубное превозношение
и даждь ми целомудрие очию : вложи языку моему обуздание,
представи слухи моя благопокоривы святым Твоим заповедем;
подаждь ми терпение в скорбех, вразуми и утверди сердце мое
в долготерпении, в незлобии, в воздержании, в сострадании,
в милостыни, в любви, во смиренномудрии, в тихости во всем,
во отвращении бесовскаго разленения.

Даждь ми рассуждение искусное в помыслах, кая достоит предпочитати;
Даждь ми разумети лестныя козни диавольские и сия отревати,
и весьма свою волю отсекати, и возлагати яже о себе на Твой промысл.
и оттуду на полезное уповати.

Яко у Тебе есть жизнь моя, свет мой, спасение мое,
и Тебе благословлю, и славлю, и кланяюся,
со Безначальным Испустительным Твоим Отцем, и Присносущим и Соестественным Тебе Его Сыном,
всегда, ныне и присно и во веки веков ! Аминь!

 

Календарь

<Сентябрь 2011>
ПнВтСрЧтПтСбВс
   1234
567891011
12131415161718
192122232425
2627282930